位於跑馬地黃泥涌道的昔日貴價傢俬及燈飾舖被指風光不再，整條街道「十室九空」。(Facebook@全港店舖消息關注組)
面對全球經濟增長疲弱、北上消費及網購等影響，本地零售市況淡靜，部分行業更爆發「執笠潮」。最近有網民發現，位於跑馬地黃泥涌道的昔日貴價傢俬及燈飾舖已風光不再，整條街道十室九空，「全部吉曬超過一年」。帖文引起網民熱議，感嘆「唔係無人買貴傢俬，係呢啲街邊舖競爭力低」、「依家有錢佬都淘寶啊」、「傢俬喺淘寶同拼多多買咪得囉」。
跑馬地屬傳統豪宅區域，以往區內的主要地段黃泥涌道更吸引不少貴價傢俬、燈飾及室內設計公司進駐，高級傢俬店更一度門庭若市，惟近年卻湧現吉舖風光不再。早前有網民在Facebook群組「全港店舖消息關注組」發文，上載多張黃泥涌道「吉舖」照片，形容「跑馬地黃泥涌道傢俬舖全部淪陷」。照片可見，街道上幾乎十室九空，多間舖頭門外玻璃也貼上「旺舖招租」告示。
「全部吉曬超過一年」
臨床腫瘤科專科醫生蘇子謙近日也在社交平台Threads發佈影片，可見幾乎整條黃泥涌道的傢俬舖已經結業丟空，日間街道人流稀疏。他提到「以往呢條路全部都係貴價傢俬舖，而家全部吉曬超過一年」。
相關帖文引起網民熱議，「全軍覆沒，勁」、「啲有錢佬去哂邊」、「連馬會對面間燈飾舖都無埋，之前呢條街我成日收貨，估唔到未到十年已經變成咁」、「好耐無去跑馬地，上個月經過見成條街傢俬舖執晒都嚇親」、「而家舖頭執笠遲啲啲人失業」、「心涼，呢d舖食水深到X街」、「我上間屋嘅張梳化就係喺跑馬地傢俬舖買， 用咗10年仲好新淨！」。
網民分析實體店難生存
也有網民分析結業原因，「依家有錢佬都淘寶啊」、「傢俬喺淘寶同拼多多買咪得囉」、「尖沙咀開淘寶傢俬，早啲執好過啦」、「唔係無人買貴傢俬，係呢啲街邊舖競爭力低，而家可以網上訂」、「其實呢啲真係好難做，經濟差就已經大影響，就算經濟好，幾多人寧願揸住把尺去ikea 成屋搞掂。一件半件細件野就真係淘仔好過」、「而家個個都試玩，去鋪頭睇實物、試完、摸完後，就返去自己網上直接訂，分分鐘搵到間個價仲平好多，咁實體舖仲唔死咩」。
有從事相同行業的網民則感嘆市道艱難，「其中兩間是我朋友爸爸開，五年內兩間都關了，經營over 40年，全盛時有3間」、「我地北角貼地價錢傢俬舖做左三十年，都逼咗去做網店了，繼續做實體店真係唔太掂」、「灣仔嗰邊嘅木材裝修潔具店舖，都執咗好多」。
限時早鳥優惠 火速訂位 | am730母親節溫馨晚宴 $5000福袋等你拎!
