有的士司機表示，起初不明白乘客所指的「跟A41去大圍」為何。(資料圖片／陳奕釗攝)
本港道路網四通八達，從起點到目的地可能會有多種行法。有的士司機在網上分享一趟行程指，今日(24日)凌晨3時許在港珠澳大橋香港口岸接到一名乘客，要求他「跟A41去大圍」，惟當時他一頭霧水不明所以，「我心諗A41係咩嚟」，再三詢問才得悉所指是往返沙田及機場的龍運巴士A41線。
網民：不時有乘客以為懂得全港巴士線
事主在一個的士同業社交群組發帖文稱，起初真的不理解何謂A41，又表示當時心想「我揸的士又唔係揸巴士，鬼知A41點行咩」。有相信同樣是的士司機的網民稱，不時都有乘客以為他們懂得全港的巴士走線，「呢個係經常性出現嘅問題，個個都以為的士佬實知巴士線」、「佢覺得你背晒全部巴士路線點行」、「仲有果(嗰)啲巴士站，小巴站，地鐵出口」。
有留言就嘗試從乘客角度解畫，相信對方是希望司機取道荃灣和城門隧道往大圍，而不要使用行車里數較長的昂船洲大橋及青沙公路，「佢意思行城隧囉」、「如果計公里尖山係遠少少，但應該無跳多咁多。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
