2024-07-28 16:15:00

網上熱話｜冒險樂園掟彩虹無砸界裁「唔中」網民：係咪次次要人報警先得

玩掟彩虹考驗人的眼界，但中獎很多時都更看重運氣，而中與不中亦常引起遊人與店員的爭議，早前就有網民分享在美國冒險樂園掟彩虹，無砸界但被裁「唔中」後，報警求助。近日再有網民表示，自己在美國冒險樂園上水分店時，被裁定為「唔中」；他更上載一幅相片，可見代幣被成功扔入中獎圖案，亦未有接觸黑色邊框。然而，「賽果」被店員裁定為「唔中」，並稱判斷「賽果」須「要由上而下去影」，且「影完係砸界」。

網民：點睇都中啦

事主把照片後上傳後，不少網民紛紛支持事主已中獎，「呢個點影都無可能擲界啦」、「點睇都有位剩」、「(事主打側)咁樣影冇踩黑色邊，由上而下影會有踩黑色邊咁恐怖」、「點睇都中啦」。另有網民指，事主的照片明確證明自己中獎了，建議他到客服投訴，甚至報警「係咪次次要人報警先得」；但事主表示，「綠獎姐，又帶住小朋友，都費事同佢嘈」。