唇白青年在地鐵車廂內開枱溫書，旁若無人。(網上圖片)
「學生哥，好溫功課，咪淨繫掛住踢波」。這首經典粵語歌相信不少人都有聽過，雖說把握時間努力讀書是作為學生的責任之一，惟如果勤力到好像圖中青年般在港鐵車廂內開枱溫書，旁若無人，未免有點過份。
「同學仔駛唔駛咁勤力？」
近日網上瘋傳一張照片，可見一名胸前孭有布袋、隨身攜帶一袋物品的青年，在車廂內開枱溫書，狀若無人，桌旁還擺放一張藍色膠櫈，看似正等候有人入座，一同讀書溫習功課。照片還可見當時列車正駛經露天路段，同卡車廂內有乘客站著，青年坐的同一排座椅則未滿，他的身旁正坐了一名正低頭玩手機的女士。上載照片的樓主發帖笑稱：「同學仔駛唔駛咁勤力？」
大批網民看過照片後都不禁留言，不少人都譏諷青年太過勤力：「好學生啦」、「張凳預俾補習老師？」、「有免費冷氣嘆，醒目仔」、「差兩隻腳打埋廿四圈啦」、「扮勤力，呢啲行為硬係要做俾人睇」、「真正的臨急抱佛腳」、「下一站青山」、更有網民留意到青年嘴唇發白，大肆調侃他：「依位哥哥讀到就來死咁……面青口唇白」、「嘴白晒，應該讀得好辛苦」，直斥「死讀書無用㗎喎」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
