有男子在啟德河垂釣，其後在網上引起一陣關於食物安全和釣魚樂的討論。(網民Alice Ip@FB群組「黃大仙區友(黃大仙，新蒲崗，鑽石山，慈雲山......)」)
啟德河改建前為一條普通明渠。(資料圖片)
政府近年復修和美化不少河道，但水質仍然見仁見智。有網民日前路經新蒲崗啟德河時，發現有一名男子正在垂釣，遂在網上分享並問道：「其實呢度啲魚食唔食得架(㗎)？」雖然有很多人都指河水骯髒、不宜進食，但亦有網民直言為何很多人都將釣魚和食用掛勾，「唔明點解香港人見到人釣魚，90%第一句就係問食唔食得」。
有網民在Facebook群組「黃大仙區友(黃大仙，新蒲崗，鑽石山，慈雲山......)」貼出一張照片，可見一名男子正在前身為啟德明渠的啟德河釣魚。有留言提到，40年前已見到有人在此釣魚，但形容「呢條渠係慈雲山、鳳凰新村、黃大仙上下村(邨)等等既(嘅)多區污水去水位，你話食唔食得？」，亦有人指出「以前叫啟德明渠，而家改名叫河，比我一定唔會食」、「唔食得，有化學物同重金屬」。
不過在食物安全以外，有一些網民就持有不同觀點。有部分留言指出，純粹享受垂釣樂趣並無不妥，「釣來玩下無問題」、「釣果(嗰)個都吾(唔)食，只是玩」、「其實釣/食係兩回事，唔明點解香港人見到人釣魚，90%第一句就係問食唔食得。」
縱然如此，仍有不少人都擔心即使不是自己食用，也有機會有立心不良的人士，把河中魚穫轉售街市，「我成日見啲人凌晨3、4點去釣，真係懷疑佢地(哋)拎去賣」、「釣完拎去街市賣俾人食……鬼知吖！」
amJetso送太興鮮臘腸 👇立即按此參加
