考取巴士駕駛執照的門檻，近年已降低至年滿21歲及持有一年私家車或輕型貨車車牌，若未及有關資格就只好先用其他方式「圓夢」！有網民近日指，遇到一名相信是巴士迷的男生，於一輛雙層巴士的上層右邊車頭座位，自備軚盤和巴士車長名牌架等架生，一嘗「揸巴士」的感覺。
▼事件及網民留言回應▼
網民戲稱一原因「炒得」
有網民在社交網站群組上載一幅照片，形容「呢個巴士司機好pro(專業)」，相中可見在一輛正離開港珠澳大橋香港口岸旅檢大樓的城巴機場快線巴士上，有一名身穿黃色外套的男乘客安坐於上層右邊車頭位，並戴着藍芽耳筒、黑色手套「控制」自備的軚盤，又在前方放置一個巴士車長名牌架，聚精會神地享受「駕駛」的樂趣。
有網民笑言該男乘客是否準備考巴士牌，「我睇佢覺得揸住樘肽(堂軚)，跟住司機扭就當有手感」、「帶耳機揸車，炒得」、「如果炒咗車嘅話，佢會唔會即刻走佬。」相片隨後被轉載至其他專頁，有網民戲言「以前唔敢坐樓上因為樓上無司機，而家有就好，可以放心上樓上坐」、「最緊要佢自己開心」、「好過偷部巴士黎(嚟)揸」，亦有人認為「無搞到你又何必理人」。
▼本港的士牌價走勢圖▼
立即更新/下載AM730手機APP 體驗升級功能
