新蒲崗店家疑被偷食飯枱，網民︰攞得咁順手慣犯黎啦。
有網民在黃大仙區友fb帖文，「唔好意思！有冇人認識呢位阿姐？可唔可以叫佢攞返張枱比我哋，因為員工食飯要用枱」，並上載短片；片中可見一名穿橙色T恤中年女士，在商場一處發現一張以白色膠袋套著的摺枱，其間抽起膠袋似檢查該枱是否完好無缺，之後有行人經過，她似收歛，待途人離開則再「望望左、望望右」，見再沒有途人，抽起張枱取走。
網民︰連枱都偷，勁衰
短片上載後引來一眾網民怒斥，其中有網民指，「連枱都偷，勁衰」、「攞得咁順手慣犯黎啦 支持報警」、「禁都貪 經濟唔好坐牢有免費飯食」，亦不少人教路，「報警啦，呢種唔可以姑息」、「貼佢個樣係門口啦」。亦有網民已成功認人，相信那位女士在某茶餐廳工作。
