有女網民指在港鐵西灣河站內，遭一名中年男子從後踩甩鞋摸腳。(資料圖片)
港鐵西灣河站懷疑有戀足男出現，有網民更揭發與10年前的非禮手法相似。
中年男從後踩甩鞋 一聲不發捉腳着鞋
有女士昨日在Facebook群組「筲箕灣西灣河關注組」發文，聲稱在港鐵西灣河站內，遭一名可疑中年男子從後「踩甩隻鞋」，她事後「痛到嗌出嚟」，而該中年男「佢冇道歉冇講嘢，淨係捉住我隻腳幫我着返隻鞋，我話唔使，後面有個哥哥仔好好人，問我有冇事同埋使唔使幫我捉住佢，因為原來嗰個男人係特登踩我。」
女事主續指，曾嘗試拍下該中年男子的相貌，惟不成功，「到我想去影佢相嗰陣已經唔見佢喺月台」。她提醒大家「雖然好難提防到呢啲人，但如果大家遇到同類事件，有可能係同一個人做！小心！」又感謝事件中見義勇為的哥哥。
網民指與10年前非禮手法相似
帖文隨即惹來網民熱議及留言，有人指「正常人踩甩人隻鞋都唔會幫人著番，所以佢好明顯係有意踩完揩油」、「可能係戀足癖，故意乘機摸腳」，當中有一名女網民亦稱有同類經驗，「我上星期四夜晚係筲箕灣地鐵站都同你一樣比佢踩甩咗隻鞋」，亦有人回想起一則10年前的法庭新聞，指一名38歲男司機疑迷戀女性腳部，踩甩女途人的鞋後﹐藉詞替對方穿鞋摸腳滿足私慾。
有女網民指在港鐵西灣河站內，遭一名中年男子從後踩甩鞋摸腳。(fb筲箕灣西灣河關注組截圖)
【限時激減】800 amFUN 2盒！1200 amFUN 4盒！
