有男子在停車場強行噴清潔劑到私家車然後再推銷。(Threads圖片)
街頭推銷是常見的宣傳手法，有女網民日前在社交媒體Threads發帖稱，在屯門市廣場停車場泊好私家車後，一名男子突然上前並直接向私家車噴灑「來歷不明」的清潔劑，再向她推銷價值499元一支的清潔劑。她事後前往場內保安室求助，又擔心拒絕光顧會遭對方劃花私家車，同時呼籲大眾泊車時應留意附近有否類似的推銷員。
▼事主分享及網民留言回應▼
過來人稱其他停車場同有發生
不少過來人及後紛紛留言分享自己經歷，有留言說在同一停車場都有其他推銷員，而其他停車場都有類似情況發生，「我早一兩年又係屯巿4樓parking，又係泊好車之後無端端比個男人行過嚟，兜野(嘢)就噴左(咗)啲不知名物體係我架車到係(喺)到hard sell……原來條友成日係(喺)呢到搵食」、「之前去荃灣廣場都試過一次，根本都未反應到，佢已經噴咗落嚟」、「當年我仲P牌喺大埔泊完車，佢行埋嚟sal(sell)佢支野(嘢)，係咁噴話佢支嘢好勁、好乾淨。」
另外，有網民稱試過為清潔劑拍照，然後到內地大型網購平台搜尋再反擊，「查一查比佢睇番一支淘寶見到38.9人仔。知難而退了」，同時有人認為此舉近乎刑事毀壞，呼籲事主應直接報警處理。
【限時激減】800 amFUN 2盒！1200 amFUN 4盒！
