有網民發帖指「今朝搭的士落荔枝角，個司機話自己唔係好識路，本身諗住叫佢跟Google地圖，點知佢自己攞咗本地圖出嚟」、「懷疑想揼我波鐘，收多我幾蚊」，照片可見該名的哥有白髮，車頭裝有三部接單用的手機，惟他未有開地圖程式，卻直接拿出實體地圖的荔枝角區一頁「手指指」尋找目的地。(Threads)
的士拒載問題時有發生，部份司機常以「唔識路」為藉口，被批評「要個客教番司機點樣到目的地，連手機開Google map都唔曉用」。社交平台Threads今日(24日)早上有網民發帖，指「今朝搭的士落荔枝角，個司機話自己唔係好識路，本身諗住叫佢跟Google地圖，點知佢自己攞咗本地圖出嚟」、「懷疑想揼我波鐘，收多我幾蚊」，照片可見該名的哥有白髮，車頭裝有三部接單用的手機，惟他未有開地圖程式，卻直接拿出實體地圖的荔枝角區一頁「手指指」尋找目的地。
帖文引起網民熱議，「佢有三四部電話，但竟然係睇地圖」、「佢本地圖係邊一年既version?」、「咁樣你捉到佢兜路都有得瀨呀嘛」，「起碼佢真係努力去解決問題，唔係話唔識路唔去」、「其實算係咁，都唔係一黎就唔識路閘門拒載」、「至少好過有電話都唔識用google map 嘅人」、「好嘢嚟，冇電都照行，又有懷舊作用」、「我細過都係咁樣攞本地圖出街」。
亦有網民認為實體地圖仍有作用，「應該係被Google map昆過先用實體地圖」、「實體地圖先多野睇，可以一眼睇成個區，容易搵路啲」、「有時app都未必有實體地圖準」、「實體地圖先寫得清楚，有啲路口連消防閂都有講，啲乜乜map隨時已經叫你轉變駛入去」。
根據《道路交通(公共服務車輛)規例》，的士司機如無合理辯解，不得故意拒絕或忽略接受租用人的租用，不論該租用人的意圖是以明顯或默示方式表示的；拒絕或忽略駕駛該的士至租用人指示的任何地方。任何人如違反有關法例，一經定罪，可處罰款10,000元及監禁6個月。
限時早鳥優惠 火速訂位 | am730母親節溫馨晚宴 $5000福袋等你拎!
