有網民搭的士時，發現司機貼出告示指歡迎乘客帶路，否則行車路線依坊間兩個地圖作準。(Threads圖片)
的士服務質素成為城中熱話，坊間指控包括有「黑的」兜路和濫收車資等。有網民乘搭的士時，發現座位上掛有一張通告，標明司機歡迎客人提供路線帶路，「否則跟『高德地圖』或『Uber地圖』作準」，最後提到希望安全把客人送往目的地。
▼網民留言逐格睇▼
網民：呢個的士司機非常有禮貌
有網民就讚揚圖中的士司機公道，「你一定未遇過d(啲)過海唔識路，然後叫你帶佢行，但係又唔聽你講個(嗰)隻」、「公道啲講句其實唔係個個的士佬都識路嘅，呢個的士司機非常之有禮貌」、「今時今日如果有人仲Expect每位司機個腦都叻過龐大數據庫加實時路況既(嘅)軟件我會覺得係可笑既(嘅)。」
不過，亦有留言批評「唔識路學人做司機」、「個的士牌淘返嚟。」有網民就反駁稱屬正常情況，「有揸車都唔係識晒所有路。雖然我唔係的士佬，但真。」
amJetso送太興鮮臘腸 👇立即按此參加
