粉嶺屋苑管理處發信催繳5仙欠款。(Facebook群組「舊香港照片館」圖片)
5仙硬幣去邊搵？日前，有粉嶺山麗苑住戶於Facebook群組「舊香港照片館」發文，並貼出一份催繳管理費通知書，顯示屋苑管理處於周三(15日)向其發出催繳管理費通知書，並提到「根據本處記錄，貴單位仍未繳交2月的管理費合共港幣HK$0.05。根據本屋苑公契規定，管理費必須在當月首日繳交，故此，現特函通知你從速繳付」。
網民笑言：想畀張1000蚊佢找
由於欠繳的管理費數額實在太少，而且香港早於1989年，已停用5仙硬幣，故該名住戶無奈指，「妹仔大過主人婆，乜依家啲管理處咁X，$0.05撥落下期唔得咩？去邊處搵5仙畀你」。根據房委會於2021年中發出的資料，山麗苑共有6座大廈，共有3,222個單位，建議管理費介乎480至775元。到底5仙欠款從何而來，則不得而知。
而相關貼文引發熱議，有網民笑指，「有得找？」、「呢封信成本都唔止5仙」、「到底點計5仙？」、「我就畀張1000蚊，叫佢找畀$999.55畀我。」亦有網民指出，絕版貨幣現時已十分值錢，「1964年出嘅5仙，依家價位升到夠交2、3個月管理費啦。」
立即更新/下載AM730手機APP 體驗升級功能
