「關愛座」問題不時惹爭議。荃灣知源玩具店本周一(25日)於Facebook專頁，上載一張於港鐵車廂內拍攝的照片，並寫下「社會吾同左，這少女望見班老人家好幾眼，但冇反應。」同時又謂車廂中尚有4位長者站立。
網民狠批：唔畀後生女唔舒服？
根據其上傳的照片可見，當時車廂爆滿，一名長者站在靠門位置，身後一名少女坐在關愛座。帖文一出隨即引起大量網民討論，不少人留言批評玩具店負責人尚未了解事情真相，卻擅自公審少女，並斥「後生就係罪？」、「或者個後生女唔舒服？呢啲嘢張相係睇唔出喎」、「讓座係美德，但迫人讓係缺德」。
知源玩具店之後回應謂：「好開心，大家自己都有表達見解。見到大家笑我哋咁開心，三十幾度大家笑降下溫」，並指「我哋都休息下」。結果引發公關災難，未能平息網民怒氣之餘，責罵聲更升溫。及後玩具店負責人終就事件發文道歉，指「抱歉今天帖文令大家唔高興，係太魯莽，本人會繼續接受大家狠批」。
荃灣玩具店網上公審港鐵少女不讓座。(2.0荃灣知源雜貨玩具Facebook圖片)
入App免費拎荷花BB展入場券
