電單車超載兼乘客不戴頭盔照惹「似大陸」爭論。(網上圖片)
電單車只能坐2人，本港駕駛者在這方面向來相對守規矩，不過近日網上流傳，掛有本港車牌的一輛電單車，駕駛者在街道上行駛時，後方坐著另外一名小童及一名女士，其中小孩更沒有戴頭盔，女士則只戴上地盤安全帽，未知拍攝時間，網友質疑「你估呢度大陸咩」，引起「似大陸」爭論。
昨有網友在社交平台群組發布有關相片，稱在其他交通群組中看到，並指「唔開佢車牌都唔得，你估呢度大陸咩，女人嗰頂係咪安全帽嚟？」有網友指，「呢度已經係大陸」、「深圳南香港區」、「大灣區日常」、「我哋完全接軌啦，似大陸完全冇問題」；不過也有網友指，「現時大陸，大部分城市都已經禁摩托車了，有啲人思想仲留响(響)二三十年前」、「班傻仔重(仲)停留緊四十年前嘅思維」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
