青衣大媽無視勸阻擅拆包裝連換3盒蛋。(Facebook群組「青衣街坊吹水會」影片截圖)
擅自拆包裝換貨，行為甚缺德。有網民日前於Facebook群組「青衣街坊吹水會」發文，指一名大媽在該區一家超市內，擅自打開雞蛋膠盒包裝，揀選心儀雞蛋後放進同一盒內，揀剩「唔靚嗰啲」則放到其他膠盒，直言「呢度係超市唔係街市」。
無視勸阻連換3盒蛋
而據上載影片所見，一名短頭髮、身穿粉紅上衣的大媽於超市凍櫃前，打開至少3盒雞蛋，「施施然」逐隻拿到手上仔細觀看，並揀選賣相較好的雞蛋，放進購物車內已打開的蛋盒中，而其他則放進貨架的蛋盒內，行為惹人側目。
影片中，有同於超市購物的街坊看不過眼，開腔勸喻：「可以咁樣換㗎咩？咁人哋攞到嗰啲咪爛晒囉啲嘢，咁樣唔係幾好喎！你咁樣逐隻逐隻揀，唔係街市呀嘛呢度！」惟面對街坊阻止，該名大媽依然顧我，猶如當對方說話為耳邊風。
網民：好無品
貼文一出，隨即引起熱議。不少網民直斥該名大媽自私又無品，「呢啲咪衰格囉」、「好無品」、「街市都唔畀你咁揀啦」、「你唔尷尬，尷尬嘅就係人哋」、「唔怪得有次我買蛋，隻隻唔同大細唔同樣」。亦有網民指，遇到同類事件，應找超市職員處理，「當佢知要將全部拆封過嘅貨物埋單，佢就會收手」、「職員有責任處理啦」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
