出街食飯最怕貨不對辦。有網民日前於Facebook群組「香港街市魚類海鮮研究社」發文，稱到餐廳用膳時，點了價值80元的果皮蒸泥鯭，結果卻因「太對辦」而極度崩潰。該網民稱，他一心想著廚師會加陳皮辟腥，帶出泥鯭的魚鮮。沒料到餐廳出品的果皮蒸泥鯭，並非使用陳皮，而是新鮮橙皮，令他大感愕然。
網民：果皮年份得30分鐘
按其上載的相片可見，3條泥鯭整齊排於碟上，大堆新鮮橙皮絲鋪在魚面，與泥鯭一同蒸熟，橙皮之間更可見已切粒的唐芹碎，用作點綴。他更可憐指出，當下留意到樓面，有另一大叔食客正在吃橙，令他不禁擔心泥鯭上的「果皮」來源。
而事件更引起熱議，不少網民看過相片後紛紛爆笑，笑言「橙皮都係果皮嘅一種，佢無呃你喎」、「佢塊果皮好鬼新鮮」、「都係果皮嘅一種，不過年份得30分鐘」、「佢真係無違反商品說明條例喎」、「好過用蕉皮蒸」、「佢無話用陳皮蒸呀，你唔好一箱情願」、「雞蛋六隻糖呢就兩茶匙仲有啲...」、「蒸魚呢家嘢我哋識條鐵咩」。
amJetso送 Bodysonic先力牌窗口式冷氣機X靜音循環風扇X電動冷凍小風扇
