@Threads /w._.yy_uissss 圖片
食嘢最怕食物、飲品中有「異物」，先不說蟲鼠，單是一條毛髮都已經可以令人食慾大減。近日社交平台Threads就有網友上傳了一張相片，從中可見，他在一杯飲品中，撈出一個中通的零件，相信是斟汽水機的噴嘴。雖然該網友並無表明，但從相中的芬達水位可見，事主應該已喝了少少！而他亦表示，「係搞緊啲咩，先可以將舊嘢塞落去我嘅嘢飲度，做乜嘢喺我芬達加料？」
個芬達有個龜苓膏？
相片上傳後不少網民都引不住開玩笑，「經理：近排汽水機機嘴更換率有啲高，你有冇咩頭緒？」、「杯野飲高成本左咁多都仲唔滿意」、「我第一眼以(為)個芬達入邊有個龜苓膏」、「對唔住 可唔可以還返比我地 依家停咗汽水機成日」、「加$5送機器零件要唔要？」、「唔睇真啲以為係買汽水送龜苓膏xd 」。
另外都有人認為喝了少少才發現噴嘴有點好笑，「你都唔弱，差不多飲晒先見到」，而網友亦回應指，「放返佢(噴嘴)喺底咪同滿嘅一樣，我一開始仲倒瀉少少，雖然都飲唔少」。至於噴嘴最後何去何從，事主就無說明，而涉事餐廳亦未有回應事件。
【立即參加】送香港迪士尼樂園一日門票！
