Ray Online｜羅淑佩工餘時間愛做「HIIT」 堅持運動否則會「吽哣」
打工仔放工之後，都要有興趣唞唞氣。房屋署署長羅淑佩除咗追星，原來每星期都堅持做1個鐘運動，有時會做HIIT(高強度間歇訓練)、有時做負重運動、有時放工跑步半個鐘。
睇奧運有時瞓2個鐘就返工
羅淑佩接受傳媒專訪，話喺忙碌嘅工作中，都盡量希望平衡生活。佢呢排就有投入奧運熱潮，捱更抵夜喺屋企睇奧運賽事，有時瞓得2個鐘就返工。每個周末，羅淑佩都堅持健身，至少做1個鐘，如果唔係個人會吽吽哣哣。佢話以前收工都會跑半個鐘，不過而家比較熱，唯有喺屋企拉筋。運動以外，羅淑佩鍾意食嘢，亦鍾意煮嘢食放鬆一下，例如前排分享媽咪嘅蘿蔔糕食譜。間唔中亦會邀請朋友嚟屋企傾偈，虛心聆聽朋友對佢工作嘅意見。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
