4年前因「倒梁」而被撤銷全國政協委員職務的田北俊，與梁振英關係「麻麻」早已不是秘密，他多月前在Facebook貼文，提醒大家：「睇路呀！689復出指日可待」。田北俊說，聽聞有商界人士支持梁振英，他亦感覺對方有意捲土重來，但相信中央不會冒險換人。
田北俊與梁振英多年前在一個宴會共桌。(資料圖片)
梁振英近期化身鍵盤戰士大打反獨牌，並與反對派筆戰，政治動作頻仍，田北俊不諱言，「呢個動作係有嘅，但事實上我又唔係好信囉。」他說，「(梁振英)做到政協副主席、做到國家領導人，點會調轉頭又想翻炒做返特首呢？你做特首，市民實同你翻舊帳UGL嗰樣嘢……」
他續說，「我都聽到有啲商界話佢有興趣，亦有商界話支持佢。」但他說，「今時今日社會睇法，北京留意到嘅，即係林鄭又唔係有咩做得唔好，如果林鄭做到依家咁，中央都可以接受嘅話，我覺得中央唔會換人囉。」
梁振英反港獨不遺餘力，田北俊認同對方是要向中央表忠，「呢個係人都睇到，但中央領導都會識睇。」他認為，「CY講法係話俾中央聽，『我會強硬過林鄭』。」但他說，「中央亦要諗一諗，如果採取CY強硬態度，香港會唔會仲難管？係咪仲亂晒龍？……值唔值得冒呢個險？我覺得中央絕對唔會冒呢個險。」
【限時激減】800 amFUN 2盒！1200 amFUN 4盒！
