葉劉淑儀回應減薪訴求，指如果減薪，所有受資助機構都要減薪
政府面對千億元財赤，坊間有唔少意見要求政府官員、行政會議成員、立法會議員帶頭減薪。行政會議召集人葉劉淑儀揚言如果要減，所有受政府資助機構都要減薪。
除夕佳節，葉劉喺曼谷度假，照樣向香港市民送上靚相，相中佢著住金光閃閃嘅短裙，佩上閃爍嘅珠寶，正正祝願香港踏入新一年百業興旺，前景光明，東方之珠金光閃閃，發出耀眼光芒。靚相當然吸引唔少網民留言，不過有網民有感而發，新年願望係希望官員、行會成員同立法會議員齊齊減薪一半，而議員出外考察應該坐經濟艙。葉劉照樣回應呢個「離題」嘅留言，話單係上述呢批人減薪唔足夠，如果要減薪，所有受政府資助嘅機構，包括大學都要減薪。
▼葉劉正在曼谷度假▼
立即更新/下載AM730手機APP 體驗升級功能
