葉劉黃色碎花襯衫「Sharp爆」亮相　公布新民黨在東涌設流動服務車｜Ray Online

政黨分別喺唔同地區「插旗」，不過新民黨主席葉劉淑儀話黨內想喺東涌開辦事處，但發現因為東涌舖位短缺加上租金高昂，並唔容易。所以今日宣布喺東涌設立流動服務車，更方便服務居民。

流動服務車在東涌全天候出動

葉劉淑儀喺社交網站發文，見到佢著住「Sharp爆」嘅黃色碎花恤衫，宣布新民黨流動服務車喺東涌全天候出動。葉劉話雖然冇固定嘅辦公地點，但流動車勝在靈活度高，會每日喺東涌區內唔同地點更主動接觸街坊。而家最新服務係協助東涌一班非華裔香港居民，申請「港澳居民來往內地通行證（非中國籍）」，方便佢哋多次往返內地。