2024-01-12 10:30:15

觀塘車禍｜孕婦一屍兩命　59歲貨車司機被控危駕致死　官拒保釋還押至4.12再訊 (更新)

【1月12日更新】觀塘車禍孕婦一屍兩命，涉案59歲貨車司機今日(12日)被控一項「危險駕駛引致他人死亡」罪，案件上午在觀塘裁判法院提堂，貨車司機申請保釋被拒，需還押至4月12日再訊。

【1月11日更新】觀塘一名懷孕4個月的31歲姓陳孕婦，周二(9日)下午在觀塘過馬路時被貨車撞倒昏迷，進行手術後仍然危殆，而腹中胎兒已失去心跳。事主家人在病房外守候，周四早上10時43分獲告之陳婦心跳停頓，需施以強心針搶救，惟至早上11時32分不治。另外，涉案司機被暫控一項「危險駕駛引致他人死亡」罪，案件周五上午在觀塘裁判法院提堂。

「個腦不停諗番同老婆啲嘢」

丈夫邱先生痛失愛妻及胎兒後以淚洗面，在親友陪同下會見心理醫生後離開廣華醫院，面露疲態的他獲醫生叮囑盡量多點休息，邱先生坦言:「呢幾晚真係冇瞓過覺，個腦不停諗番同老婆啲嘢」，他表示「感謝大家為我哋祈禱」，包括等候見心理醫生時的一名女子，「好感激佢哋，我都多謝嗰位女士叫我加油。」

邱先生於事發後在病房外走廊抱著妻子事發時所攜手袋，憂心痛哭表示：「希望佢無事，佢係好堅強嘅人。」家屬昨指陳婦腹中孩子已保不住，並指要待陳婦甦醒後才可進行流產手術，但醫生指陳婦情況「唔樂觀」。

邱先生向傳媒表示太太情況不樂觀，需注射高劑量的強心針維持心跳，現希望有奇蹟出現，「佢係一個好女仔，好堅強，而家只可以靠佢意志，我喺病床隔離同佢講話香港好多人都同你打緊氣，希望BB可以幫下媽咪，救返媽咪」。

便利店閉路電視拍經過「突然大貨車好快撞過嚟」

警方致電聯絡他，指涉事貨車並無安裝車Cam，但附近便利店有閉路電視清楚拍得案發經過，指當時其妻於便利店購買麵包後離開，途至行人過路處時謹慎地四望四周，「第一眼佢望咗左邊先，完全冇車先行一步，但行到4、5步之後，突然有架大貨車好快咁樣撞咗過嚟，完全係避唔到」。他失聲痛哭形容當時妻子已經十分小心過路，「完全唔係佢錯，佢已經好小心，因為佢知道佢有個女喺個肚度，所以做咩都好小心！」他希望網民不要再說其妻子胡亂過馬路。