（fb「車cam L（香港群組）」影片截圖）
吐露港發生交通意外。昨日（22日）一輛Tesla電動車沿吐露港公路行駛，其間突然失控自炒撞壆，從車Cam片段中可見，Tesla凌空反轉再反轉，翻騰三周半，並冒出大量白煙，最終才緩慢地反正，大量零件飛脫，散落一地。Tesla車身嚴重損毀，車頭被削去一部份，車頂亦穿窿，左後方車轆也消失不見，並橫亙路中；另一輛私家車不慎遭Tesla零件擊中，導致車頭泵把損毀。
司機全身受傷送院
警方和消防接報後趕至現場，Tesla 39歲姓李男司機全身受傷，由救護車送往威爾斯親王醫院救治；另一輛被波及的私家車39歲姓葉男司機則沒有受傷。警方正在調查事故。
網民：拍戲都冇佢咁精彩
網民紛紛留言討論，有人戲言「Tesla 講過，無論佢點翻車，架車都會反返正！多謝teslun 測試！」、「拍戲都冇佢咁精彩」，笑言「屈膝翻騰三周半，完美落地！依塊金牌非佢莫屬」、「行快線都瞓得着」。
amJetso送香港迪士尼樂園成人一日門票 ⬇️⬇️立即開APP參加⬇️⬇️
