駕駛者停車拉手掣雖然是基本常識，但不時都會有大意司機忘記這個步驟，釀成不同程度的交通意外。網上流傳一段車Cam片，顯示一輛新界的士懷疑停車後沒有拉手掣，失控撞向對面線一輛停泊中的客貨車。司機發現時雖有跑往的士，但最終未及登車剎車，意外後更立即揚長而去。
網民批涉事司機不負責任
事發於粉嶺華明路近雍盛商場，片段顯示時間為周日(20日)上午7時許。片段被上載至facebook群組「的士司機資訊網 Taxi」，有網民批評涉事司機不負責任，「咁都夠膽走」、「嘩咁都走咗去呀」。
另外，有其他網民稱「好多的士司機停車都唔拉手制(掣)，只入P波。呢個就連波都唔入」、「幾時都要拉手掣最穩陣」。有留言亦呼籲片主，應舉報涉事的士司機，「一定要造佢，馬路炸彈」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
