鄧炳強技癢參加「熱血籃球賽」 大讚運動場非常型格｜Ray Online (@fb鄧炳強 Tang Ping Keung)
眾所周知，保安局局長鄧炳強成日都會同市民打波、與眾同樂，而繼8月全民運動日參與匹克球競技之後，局長今日(20日)喺FaceBook分享，話今朝出席懲教署舉辦嘅青年三人籃球國慶盃，由於球場太靚，同見到咁多熱血青年，令佢都引唔住技癢，要求落場同熱血青年打返場波切磋球技！
究竟邊個球場可以俾局長讚「太靚」?其實就係九龍灣啟業邨啟業運動場，依個運動場今朝舉辦青年三人籃球國慶盃，集合咗26支青少年制服團隊加保安局青年團同場較技，仲請嚟香港金牛籃球隊同更生先鋒領袖打表演賽。鄧炳強話，自己係第一次嚟到呢個天台運動場，設計亮眼，非常型格，仲大讚係最靚籃球場。
至於落場場波，雖然局長未有分享，但啊Ray從相中都睇得出局長同球員玩得好開心，而且局長亦曾經講過「不論生活有多忙碌，都要多做運動，保持身體靈活，才可以走更長遠的路。」，因此勝負對佢而言，應該係其次！
立即更新/下載AM730手機APP 體驗升級功能
