陳苑澄宣布陀B 17周。(陳苑澄Ig)
前女子組合As One成員陳苑澄（Tania），2018年參加香港小姐進入12強止步後加入TVB，去年11月就下嫁酒行太子爺。新一年Tania火速報喜，在社交網宣布已造人成功，更自爆已懷孕17周啦，她寫道：「事實上係驚多過喜，第一胎加上我呢啲小小事就勁浮跨嘅性格，頭三個月係經常不安，2個幾月到有一日我係咁叫Gary要買個聽筒返嚟聽心跳，又上網睇咩胎心機，但發覺唔可以隨便用就算數，頭三個月我小小事就去醫生度問吓Check吓，所以end up 2-3星期就用超聲波睇到Nea Tsang。」
她續寫最近開始爆燥mode，又透露BB性別是囡囡，並已改名叫Nea：「到11週突然間成個人精神左好多，唔洗點訓晏教，個人亦都定咗好多，無咁騰雞。不過最近就開始左爆燥mode，我老公直頭問我係咪以後都會咁乞人憎，所以小左出街小左見人，驚得罪人。上網又睇到以我呢個身高體重，要日吸收2000卡路里！所以我以家由開眼到合埋眼中間個口不停係咁食，不過好彩我完全無孕吐，仲好大食。餘下的6個月麻煩Nea姐睇住我啊！」不少圈中好友都送上祝福。
立即更新/下載AM730手機APP 體驗升級功能
