《邪妓》勁有舊港片風味 泰國情慾恐怖片包含社會寫實x情色x靈異
間唔中都會睇吓泰國有咩鬼片出品，因為佢地真係好識拍靈異嘢！最近台灣有片商引入去年上映嘅泰國情慾恐怖片Black Magic Mask，改咗個中文名叫《邪妓》，有泰式恐怖片嘅風土驚嚇，再加入情色同社會寫實元素，樣樣有。
今次《邪妓》嘅重心就係一種叫「金面娜娜通」嘅法術
邪術「金面娜娜通」
泰鬼片通常會有一項民俗傳說／邪術／儀式做牽引﹐今次《邪妓》嘅重心就係一種叫「金面娜娜通」嘅法術，就係喺面上貼金嚟吸引人緣，令自己變得人見人愛。至於故事就係以泰國曼谷紅燈區做背景，女主角Aim為錢出賣肉體，過住不見天日嘅生活。Aim後來聽媽媽生嘅提議，嘗試做「金面娜娜通」儀式，仲將自己身體當祭品奉上。起初Aim真係「人氣急升」，但後來開始要償還代價，恐怖事都隨之發生。
Aim後來聽媽媽生嘅提議，嘗試做「金面娜娜通」儀式
《邪妓》除咗驚之外，仲以性工作者生活刻劃低下階層困境，當然配合劇情自然有唔少「愛情動作」場面，幾樣元素溝埋一齊嘅風格，都幾似七八十年代香港部份奇幻恐怖片。有觀眾睇完話套戲「重甜」，會唔會令一心求嚇嘅朋友失望呢？
《邪妓》除咗驚之外，仲以性工作者生活刻劃低下階層困境
原文刊登於 電影LOL
ADVERTISEMENT
立即更新 /下載AM730手機APP 體驗升級功能
