（圖片來源：MBC《上司實習生》劇照）
近年香港市道麻麻，一眾打工仔要轉工搵工都要諗過度過，慎防裸辭後搵唔到工無收入，又或是誤打誤撞入了超伏的公司。早前，一個自稱現年62歲的男子卻招積發文指自己見工個半鐘已即時有offer，揚言「啲後生仔女去晒邊？」，引起網民熱議。
（圖片來源：MBC《上司實習生》劇照）
62歲男子上市公司見工
近年香港市道唔好，要轉工搵工的確唔容易。早前，一位自稱現年62歲的男子卻在社交平台發文，揚言近年到一間「香港上市的財務公司」應徵「分行CS」一職，竟誤打誤撞獲正式錄用。
見足個半鐘 事後即有offer
他憶述見工時「用咗1小時30分鐘」、「見咗2個Team Head」，而事後已即時收到電話俾offer，令他不禁招積問道「我今年62歲仲肯請我，啲後生仔女去晒邊？」
網民反勸：提防騙子
雖然發文者略有沾沾自喜之意，部分網民亦贊同表示「可能成熟啲易獲得啲客信任掛」、「佢哋係需要好似你咁上下嘅身型同望落較穩重嚟鎮住個場」，更大讚「好勵志」。惟亦有網民勸他要提防騙子，只因「後生女無錢，你比較有，所以請你」，又苦口婆心表示「小心詐騙呀，千萬別轉錢或亂簽名，有任何可疑要報警，銀行戶口一定唔可以比」、「記住如果佢地要你墊支錢／借錢的話，就馬上要走」。
ADVERTISEMENT
激送Monchhichi維港海陸嘉年華入場券！
