咸美頓擁女員工出手擋胸「禮貌手」定「鹹豬手」？

今季F1 賽車總冠軍咸美頓最近有個紳士行為，引起網友廣泛討論。

咸美頓喺比賽前，一名平治女員工上前同佢打招呼，兩人禮貌式抱抱，

咸美頓見到對方胸部就嚟掂到自己，為避免不必要接觸，佢及時伸出左手擋於兩人中間，有網友們封佢左手為「紳士禮貌手」，但亦有網友質疑：本來可能掂唔到，依家反而變成用手背掂對方個胸，最搞笑嘅係有網友一錘定音：靚仔就禮貌手，樣衰嘅就鹹豬手。