上周日，西班牙畢爾巴鄂市河道舉行「第五屆小黃鴨游泳比賽」，共有3萬隻橡皮小黃鴨參賽。
當日下午1點半，3萬隻參賽橡皮小黃鴨被從橋上投入河道。小黃鴨都有標簽，邊隻先「游」到終點，先前花5歐元買佢嘅主人就可獲得百貨商場購物券等獎品。
最終有6隻小黃鴨贏出，今次比賽出於慈善目的，為神經退行性疾病醫學研究籌款。
活動由WOP基金會主辦，除小黃鴨游泳比賽，仲有「小黃鴨選美大賽」，由當地企業裝扮自己隻小黃鴨，再由公眾投票，系列活動大成功，基金會原目標係籌集26萬歐元善款，最終籌得40萬歐元(約348萬港元)！
