日本東京連鎖燒肉放題餐廳「めり乃」，最特別之處係設有「桌上牧場」，每點一碟新肉，桌上嘅牛仔羊仔模型，就會跟住增加。
口中食緊羊肉同牛肉，望望旁邊一隻又一隻增加嘅可愛模型，好似提緊自己：你又食咗幾多盤肉，有人覺得有提醒大家唔好浪費食物嘅效果，亦有人覺得咁樣好似啲牛仔羊仔喺你旁邊，睇住你食佢哋啲肉咁，非常殘忍…...
其實呢個「桌上牧場」用意原本只係想將疊迴轉壽司碟嘅樂趣，用動物模型嚟代替，可以俾客人睇睇自己到底幾有食力，結果無諗到客人原來諗得咁多！
【殘忍定好玩】燒肉放題每點一碟肉 桌上牧場多隻牛羊……