美國田納西州72歲婆婆Almeda Errell，兩年前喺親友聚會識細佢53年嘅Gary Hardwick，拍拖2個星期就閃婚，真係真愛！
當時17歲嘅Gary，啱啱同77歲前女友分手，直言對Almeda一見鍾情，佢表示一直特別鍾意年長女性，拍拖兩個幾星期就向Almeda求婚，2人舉行簡單婚禮後，新婚之夜第一次發生性關係，Gary形容當晚非常美好，而佢哋性生活亦好美滿。
不過，兩人婚姻外界就唔多睇好，Almeda嘅22歲長孫仲比Gary大3歲，所以佢因此嬲咗Almeda兩年，唔肯同佢講嘢，但佢最後他都慢慢接受呢個「爺爺」。
Almeda同Gary仲開咗個YouTube頻道，分享生活短片晒恩愛，有超過5萬2千人訂閱。
