呢位87 歲婆婆 Concha Garcia Zaera嘅Instagram有成13萬粉絲，相當厲害，原因係佢用「小畫家」程式創作出一幅幅又靚又複雜嘅風景畫！
因為婆婆要留喺屋企照顧患病丈夫，子孫驚佢悶就送咗部電腦俾佢，從此婆婆就迷上用小畫家嚟畫畫，佢話自己其實一啲想像力都無，繪畫靈感主要來自老公以前寄俾佢嘅明信片，平均大約花2周時間完成一幅畫作。
起初佢只係將大作放上Facebook，後來聽孫女建議放上Instagram，3月9日時，佢大約有300名粉絲，到最近爆增到13萬，令婆婆受寵若驚：「我都唔係好點解自己啲畫吸引到咁多人注意！」
立即更新/下載AM730手機APP 體驗升級功能
