美國男模Aristotle Polites擁6舊腹肌兼人魚線，不過佢最近網上爆紅並唔係因為好身材，而係佢34歲嘅姐姐Katina喺Instagram上分享嘅一系列可愛照片。
照片中Aristotle嘅18個月大外甥仔，模仿佢嘅性感照拍出可愛惡搞版，Katina話靈感來自有次幫囝囝著衫時，件衫仔卡住條頸，露出個胸，令佢聯想到男模細佬Instagram上嘅相，於是佢拍低呢一刻，仲將囝囝同細佬嘅相放埋一齊，Send俾家人問：邊個著得好睇啲？
之後Katina仲索性喺Instagram開咗個帳號，放滿囝囝模仿舅父嘅可愛版照片，至今已有2.9萬粉絲。
立即更新/下載AM730手機APP 體驗升級功能
