俄羅斯陶里亞蒂氣溫已達攝氏零下14度，行人一身羽絨包到實一實，而54歲女子加琳娜．古傑廖娃就係嚴寒中著吊帶短裙涼鞋出街！
加琳娜已連續六年，無論咩天氣都著短袖短裙或短褲、涼鞋出街。佢話自己以前好怕凍，冬天成日感冒，後來喺醫生幫助下，佢決心改變自己狀態。加琳娜表示保持健康最重要係心態積極樂觀，佢自己會到專門養生機構進行各種培訓，期間會定期沖凍水涼，喺俄羅斯係一種被認為可增強體質方法。
6年前秋日，佢下定決心著得輕便啲出門時，令丈夫都驚訝。當時佢輕裝出街感覺狀態非常好，於是冬天都堅持著好少衫，但並唔覺凍，六一直無冷病。
54歲加琳娜身材苗條，長髮披肩，經常被認作後生女，有時喺路上會因著得太少而俾老人教訓，亦有人問佢使唔使幫手，不過更多人覺得佢好勁！
立即更新/下載AM730手機APP 體驗升級功能
