大白鯊系列，可以話係驚慄電影嘅經典，下周四就有一部《極悍巨鯊》在香港上映。大家又有無興趣將大白鯊帶番屋企？
英國浸浴炸彈(bath bomb)專門店BubbleManiaCo就創造出大白鯊主題浸浴炸彈，一旦掂到水，效果令人毛骨悚然，喺浴缸度用，簡直好似置身鯊海咁！
不過唔使驚，你唔會浸於血浴中，反而會被夢幻嘅藍色同粉紅色包圍，而呢個大白鯊浸浴炸彈，比標準浸浴炸彈更勁量，聞落似吹波糖，而且係手工訂購，每個售7.19英鎊(約73港元)。
而BubbleManiaCo仲出過《小丑回魂》同《沉默的羔羊》嘅主題浸浴炸彈，大家又有無興趣將恐怖片帶番屋企個浴缸？
立即更新/下載AM730手機APP 體驗升級功能
