牛中頂奢！ 2萬元A5級和牛便當

日本和牛貴同好食就出晒名啦，不過貴係無極限嘅，日本風投企業Star Festival同日本鳥取縣政府合作，推出一款價值29萬2929日元(約23000港元)嘅「鳥取和牛大拼盤」便當，真係可謂牛中頂奢！

便當使用4.5公斤最高級別A5級和牛，調味料用鳥取縣特產梨汁製成，包裝箱由木匠手工製作，整個便當總重量高達15公斤，真係又貴又重。

便當價格根據「肉」嘅日語發音定為29萬日元，訂咗之後要大約2周後送到，銷售期限去到2018年3月尾。