(韓國人氣女團TWICE及BLACKPINK)
各位靚女，有無試過悉心打扮一番後，但男友粗心大意完全無發現你又咩唔同而嬲嬲豬？
而呢位韓國女網友嘅煩惱就啱啱相反，佢係普通上班族，但男友就喺演藝企劃公司工作，仲負責管理女團，外貌管理當然係重要一環，咁就苦了女友，俾男友當係女團咁嚴格規管，連佢肥咗500克都睇得出，換咗化妝品亦馬上被察覺，化妝化得隨意咗啲都有微言，男友習慣性咁用「鷹眼」觀察佢，敏銳咁發現女網友自己都唔覺嘅不足之處，仲試圖進行管理，比如男友曾勸佢做運動，又送減肥藥俾佢當禮物。
男友當佢係女團咁管理嘅「職業病」，令呢位女網友覺得自己活喺顯微鏡之下，生活得又累又大壓力。大家又點睇？
立即更新/下載AM730手機APP 體驗升級功能
