老師花8小時 把學生全畫上黑板當畢業大禮

日本神奈川縣立厚木北高校一位老師，喺畢業典禮前一天，喺黑板上畫出全班33人合照，當作送俾3年5班學生獨一無二嘅畢業禮物，學生感動爆哭。

圖畫中，33名男女學生分3排，大家都開心咁比Yeah笑，旁邊寫上鼓勵字句「過出自己所愛人生」。

學生將畫作上傳到網上，引起網友巨大迴響，相關Twitter已有近4萬人Like、萬幾人Share。