有無諗過，喺屋企都可以幫小生命做手術？
美國服裝設計師Romy McCloskey，瘋狂迷戀帝王蝶，研究她多資料後仲喺屋企開始繁殖大業。蝴蝶生命週期只有2周到5個月，但即使存活生命短，生命綻放過就好，之後Romy發現一隻翅膀有缺陷嘅蝴蝶，決定幫佢親自做手術！
手術用品：毛巾、鋼絲衣架、牙籤、棉花棒、剪刀、鑷子、滑石粉……同最重要係來自一隻來自已死帝王蝶嘅翼。
佢先用衣架固定蝴蝶，佢話蝴蝶無痛感，幫佢剪翅膀就好似我哋剪頭髮或指甲咁，最後新翅膀成功安裝，雖然花紋做唔到無縫銜接，右翼下方亦缺少雄性帝王蝶標誌性嘅黑點，但至少可以令佢重新飛起……啩？
蝴蝶休息一日後，就係正式試飛日，蝴蝶喺後院繞咗一圈後，成功飛走，手術成功，病人上天！
立即更新/下載AM730手機APP 體驗升級功能
