人總有不勞而獲的奇妙想法，無論你廚藝如何高超，到某時某刻也會唔想煮唔想郁，但心底裡還是想食好嘢；或者是根本無得揀，office OT嗎？今晚又是求其外賣算數？
文、攝(部分)：Winki
「幸福人妻手記Irene」的Irene Wong，喜愛煮幾味的她，更進修中醫及營養學，努力為家人煮愛心營養餐。
由網紅人妻Irene自家研發的品牌What The Soup，正正適合忽然懶惰又要求高的為食鬼，她將「湯」由配角變成主角，足料飽肚是基本，好味之餘更有「家的感覺」。因為Irene堅持全部湯底都自家熬製，甚麼湯就是用甚麼材料去煲，例如菜湯底使用大量新鮮蔬菜熬製；港式羅宋湯的牛骨湯底，就是加入大量牛骨和牛腩熬製，而重點是連包裝袋放沸水翻熱20分鐘即可「食」用，無味精、色素及人工防腐，每條配方的卡路里更經註冊營養師計算過，包裝上都標示著熱量。
如訂講後不是四日內享用，就要轉放冰格(-18度或以下)急凍，可保存三個月。
售價│每款$58
網站：www.whatthesoup.com.hk
牛肝菌蘑菇湯(前)、港式羅宋湯(後)，一睇就知有幾飽肚，菇粒多到瀉，牛腩粒軟腍得來又彈牙，牛肉味依然濃郁！
西班牙熏肉腸玉米南瓜湯，材料有西班牙熏肉腸、日本種南瓜、粟米粒、洋蔥及檸檬汁，熏肉腸那種西班牙風味十分突出。
日式豚肉味噌湯，材料有豚肉眼片、薯仔、白蘿蔔、紅蘿蔔、本菇及鮮冬菇等，加入白味噌、紅味噌、鰹魚粉及味醂等熬製，湯料與湯水比例幾乎是二比一，就算是清湯也非常飽肚。
立即更新/下載AM730手機APP 體驗升級功能
