作為鄭秀文嘅忠實粉絲，我承認我曾經因為佢個廣告而特登申請左某銀行嘅信用卡。咁當然，亦都係因為嗰張信用卡儲里數儲得快啲。（利申：冇廣告成分）
但無論你係咪用嗰張信用卡，原來而家儲里數係真係會快咗。舊同事「人妻to be」好似用咗兩個月就儲到雙人來回歐洲機票，仲好得戚咁兌換里數去影婚紗相！
其實Asia Miles久唔久都會推出promotion，好似最近就出咗個「跨享更多里賞」計劃，鼓勵大家向住「里賞目標」進發（又食字！），譬如你鎖定自己係限時之內係可以賺取幾多里數，咁佢哋就會額外再獎多你500甚至4,000里數。簡單啲來講，我set咗個目標係可以儲到15,000里數，咁佢就會額外送多2,000里數俾你。
而拎住鄭秀文信用卡去指定餐廳食飯，好似我最愛嘅莆田同Apinara，就逢星期一享有一蚊一里數。好似好複雜係咪？或者我簡單啲講，埋單用鄭秀文信用卡（本身佢已經同你個Asia Miles會員連結，所以唔需要再額外拎會員卡出嚟)，就已經可以一蚊消費賺一里數，再加上張信用卡積分轉換為里數，咁就即係賺咗第二重里數。你儲儲埋埋之後達到某一個目標，咁就自然可以得到相應嘅額外里數。
其實我覺得自己解釋得好清楚，如果都仲係唔明不如自己上網睇。文：YoYo
立即更新/下載AM730手機APP 體驗升級功能
