兩款飯TASTIC來到麥當勞！
全新「汁燒牛肉飯TASTIC」(即日起供應)
全新「吉列脆雞飯TASTIC」(5月13日起供應)
相隔5年，麥當勞飯TASTIC聽日(4月29日)回歸喇！今次更聯乘POKEMON的比卡超(Pikachu)，推出多款全新包裝美食，包括以上下兩層煎香的珍珠米飯餅加上汁燒牛肉的「汁燒牛肉飯TASTIC」，配搭香炒洋蔥同爽脆生菜，5月份更有全新「吉列脆雞飯TASTIC」，均以一紅一黃POKEMON及比卡超包裝盒包裝，絕對吸引fans眼球；而凡點選「飯TASTIC」二人餐，更以鮮黃色巨型比卡超造型紙盒盛載，不過紙盒數量有限，售完即止，要搶快手！
至於消失了一陣子的SHAKESHAKE薯條粉再度現身，以比卡超至愛的番茄醬為靈感，推出「惹味番茄」，酸甜有致，食落就似乾身版茄汁；而早前於日本大熱的「蘋果吉士批」及「香蕉朱古力麥旋風」亦有得食喇！
而4月29日起，麥當勞App用戶憑電子優惠券購買汁燒牛肉飯TASTIC超值套餐，即享減$3優惠。
全新「惹味番茄調味粉」
除了番茄醬，蘋果也是比卡超至愛，今次全新「蘋果吉士批」，金黃脆皮內包著粒粒蘋果肉，加上香甜吉士醬，兩種味道完美配合，充滿層出不窮的香甜驚喜。
全新「香蕉朱古力麥旋風」，新地混合香蕉果醬、朱古力醬和Oreo曲奇碎，蕉味濃郁！
「白桃特飲」，白桃口味梳打加上粒粒雜果，一飲消暑解渴！現凡購買任何超值套餐只需加$8，即可享用加大的Shake Shake薯條及大大杯系列飲品。
立即更新/下載AM730手機APP 體驗升級功能
