【新片推介】壞蛋獎門人3

橫掃全球逾117億票房嘅《壞蛋獎門人》系列，全新第3集講述婚後嘅犀利哥金盤洗手，跟露露效力反壞蛋聯盟，點知遇著壞蛋界上位新貴──過氣電視名星鬍鬚柏，令二人雙雙被炒魷。同時，犀利哥又與迷你兵團翻臉，而且忽然跑出個失散多年孖生兄弟──型英帥兼係富二代嘅巴閉哥出嚟，令「三失」犀利哥更覺冇癮。面對失業、中年危機和迷你兵團的背叛，犀利哥能否痛定思痛，重奪「壞蛋獎門人」之位呢？