網上熱話｜內地男遊港食Five Guys 怒斥店員只識講英文：有啲離譜
內地遊客引起的文化差異屢見不鮮，不時在社交平台看到他們不滿各種事。近日一位內地男生來港旅遊時，在又一城幫襯連鎖美式快餐店Five Guys，惟他事後就於小紅書上發文，怒斥店員只講英文，引來大批網民留言鬧爆。
圖片來源：Instagram@fiveguyshongkong
內地男到訪又一城 幫襯Five Guys極不滿
香港人講嘢習慣中英夾雜，但對於內地遊客來說未必太適應，甚至有機會引發文化衝突。日前，一位內地男網民在小紅書以「又一城唔講中文的Five Guys」為題發文，表達自己在幫襯這間美式連鎖快餐店時所遭遇的不滿。
怒斥店員只講英文
事主在文中表示「喺呢間香港又一城Five Guys點單，講粵語係沒用，只能講英文」，又怒斥「兩個服務員都唔識講中文」，質疑「唔知係唔識定唔講囉」、「包括他們叫號碼都係英文」，直言「真係有啲離譜」。
圖片來源：Instagram@fiveguyshongkong
網民留言鬧爆：你可以唔食
帖文引起網民關注，大部分網民均不認同事主言論，反斥「人家外資請外地員工也沒辦法，咁你又唔一定要食佢，可以去第二度食的，咁多餐廳揀做乜要難為自己姐」、「其實有咩問題？人地唔識廣東話，而有公司願意請呢班人，好事丫！」。不過事主就態度強硬，留言反駁指「商家要改」、「今時今日咁嘅服務態度唔得㗎啦」。
限時早鳥優惠 火速訂位 | am730母親節溫馨晚宴 $5000福袋等你拎!
