網上熱話｜港夫婦北上採耳被亂收錢 因1事$320埋單變$690 網民：東門最多黑店！
假日北上已是港人習慣，現時周末在香港街頭未必能看到港人身影，但各個關口和深圳的大型商場卻變成港人最新的聚腳地。不過，北上消費和購物都要打醒十二分精神，一個不留神好容易誤墮陷阱！早前，一對香港夫婦北上到東門幫襯一間採耳小店，原以為採耳服務盛惠$320，卻沒料到最後竟因1事而令埋單金額變$690，最後更險花近千元先落到樓，引來大批網民熱議！
圖片來源：Unsplash@Techin24
港夫婦北上採耳 幫襯東門路邊小店出事
北上消費和購物已是港人的生活習慣，不過都要打醒十二分精神，以免一個唔覺意誤墮陷阱！一位香港婦人就在社交平台上發文，直指自己近日與老公一同北上遊玩，在東門路邊的一間小店幫襯採耳服務。原以為深圳的物價低廉，二人未有太大戒心之下，幫襯了人民幣320元（約港幣345元）的採耳服務，沒料到最後收費卻驚為天人！
圖片來源：Facebook@深圳大灣區好去處開心share
圖片來源：Facebook@深圳大灣區好去處開心share
報價$320埋單驚變$690 最後二人險花千元落樓
事主稱二人入內後，老公經店員遊說後，決定以人民幣320元(約345港元)幫襯採耳服務，沒料到最後完成採耳及徹底消毒後，竟揚言要收費人民幣690元(約744港元)。當事主質問時，店員直指收費按「每隻耳仔計」。而因為事主本人在等候老公採耳期間，亦在店內幫襯「揼腳」，令最後兩人埋單要人民幣980元(約1,057港元)，「經我們多番理論都要比$700人仔」，即二人在東門路邊小店總共消費港幣755元。
圖片來源：TVB《超能使者》劇照
圖片來源：TVB《愛回家之開心速遞》劇照
事主發文警世 網民：恰你唔識投訴！
事主坦言在接受服務的過程中，店內職員已「不停叫你做呢樣做嗰樣要加錢」，加上他們獨有的收費方式，令她不禁怒斥「這間真是黑店」、「大家千祈唔好去。」。事主與丈夫的經歷引來網民關注，有網民表示「香港玩台灣嘅採耳都係280咋」、「香港正規，採耳兩隻都係三佰元，又乾淨又衛生」，又轟「東門不嬲多黑店」、「白痴才會採耳」、「那些是醫療用品沒有消毒最常見的就是真菌感染」，更有網民直指店員「烚你唔識喺內地投訴」，更教路要「記住12315呢個號碼，仲有個港人粵語熱線966315呀」、「下次直接投訴或報警就可以了」。
amJetso 送香港冬日美食節入場券 一券行4展 立即拎飛👇
