![網上熱話|港男大埔買燒鴨後嬲爆發文 斥僅用1物包裝唔衛生](https://cdn.am730.com.hk/s3fs-public/styles/article_image/public/2024-07/U_4.jpg?itok=rddhltev)
網上熱話|港男大埔買燒鴨後嬲爆發文 斥僅用1物包裝唔衛生
自限塑令實施後,買外賣都多了好多學問,除了要適應紙餐具和飲管之外,部分食店更因此而換了包裝,有時真的未必同塑膠一樣咁好用。早前,一位港男就在社交平台上分享買燒鴨經歷,直斥店家僅用1物包裝好唔衛生!
![圖片來源:Netflix《炸雞奇遇記》劇照](https://cdn.am730.com.hk/s3fs-public/styles/article_image/public/2024-07/WhatsApp%20Image%202024-06-27%20at%2011.40.33%20%2812%29.jpeg?itok=1n0gJwPb)
圖片來源:Netflix《炸雞奇遇記》劇照
港男大埔買兩餸飯+燒鴨
早前,一位港男在社交平台上發文指「今日去大明里新開果間兩餸飯+燒臘店,買了半邊燒鴨」。事主未有公開價錢,但從他分享的照片中,可見燒鴨份量足及有光澤,睇落尚算有食慾。
打開包裝嬲爆發文 斥僅用1物包裝唔衛生
事主在幫襯時未有察覺任何問題,惟「回家後發覺非常不衛生」,只因店家僅用「個膠袋直接包裝」,未有如其他食店般先將食物放在盒內,令事主認為包裝影響衛生和食慾,更揚言未食已經blacklist食店,直言「應該唔會有下次」。
![圖片來源:小紅書](https://cdn.am730.com.hk/s3fs-public/styles/article_image/public/2024-07/WhatsApp%20Image%202024-06-27%20at%2011.40.33%20%288%29.jpeg?itok=10S3ga5T)
圖片來源:小紅書
![圖片來源:小紅書](https://cdn.am730.com.hk/s3fs-public/styles/article_image/public/2024-07/WhatsApp%20Image%202024-06-27%20at%2011.40.33%20%289%29.jpeg?itok=tJUG4NIA)
圖片來源:小紅書
![圖片來源:小紅書](https://cdn.am730.com.hk/s3fs-public/styles/article_image/public/2024-07/WhatsApp%20Image%202024-06-27%20at%2011.40.33%20%2810%29.jpeg?itok=PRQp-OFV)
圖片來源:小紅書
網民唔撐事主 留言鬧爆:有幾大分別?
事主一番「唔衛生」言論引來網民熱議,有網民認同他的說法,直指「其實應該要用張牛油紙或者食物紙包住」、「我記得膠袋係有分可以直接裝食物同唔可以裝食物」、「唔可以直接攞嚟裝食物,因為會有塑化劑釋放黐喺食物嗰度」。
惟大部分網民卻認為事主「好麻煩」,揚言「點解當場唔出聲?」、「其實直接用袋包住,同用盒載住,以衞生黎計,有幾大分別?」「袋,佢應該都係用先抽一個出黎,如果話有老鼠曱甴爬過,盒都可以係咁」、「比條繩你就咁吊住返屋企會唔會好啲」。更有幫襯過同一間食店的網民分享照片,直言「今朝買有盒」,疑似因為事主選擇「原隻上」、「係咪因為無咁大個盒,所以直接用袋」。