![網上熱話|素食港女鬧爆餐廳無素食餐牌 不滿經理5字回應 網民反轟:真正西客](https://cdn.am730.com.hk/s3fs-public/styles/article_image/public/2024-07/wayne_A_1.jpg?itok=iug7e3g3)
網上熱話|素食港女鬧爆餐廳無素食餐牌 不滿經理5字回應 網民反轟:真正西客
香港飲食業的服務態度一向是網民關注的事情之一,近年更開始有不少聲音表示港人之所以鍾情北上,全因內地的服務比起香港更完美。近日一位素食港女欲幫襯一間位於黃竹坑的西餐廳時,就因為餐廳經理拒絕了她的要求兼以5字回應,令她不忿發文,鬧爆對方服務態度差,不過網民對她的言論看不過眼,更形容她是「西客」。
![圖片來源:Unsplash@Anna Pelzer](https://cdn.am730.com.hk/s3fs-public/styles/article_image/public/2024-07/WhatsApp%20Image%202024-07-11%20at%2015.46.37%20%287%29.jpeg?itok=BejL3j31)
圖片來源:Unsplash@Anna Pelzer
素食港女發文轟黃竹坑西餐廳
一位素食港女日前在社交平台發文,指近日被黃竹坑一間西餐廳吸引,因而「就算Menu上無素食」,仍然決定「硬著頭皮入去諗住問下可唔可以有例外」。她在餐廳門口先問一位年輕男店員能否將餐牌上的食物轉素食,對方回應指「有啲應該可以轉架,例如咖哩蛋飯」,惟當事主問及晚餐Menu是否都有同樣做法後,對方表示「要問下經理」,隨即展開一場令事主嬲爆的對話。
![圖片來源:Threads@livewellbasics](https://cdn.am730.com.hk/s3fs-public/styles/article_image/public/2024-07/WhatsApp%20Image%202024-07-11%20at%2015.46.37.jpeg?itok=zmTW8D-Q)
圖片來源:Threads@livewellbasics
![圖片來源:Threads@livewellbasics](https://cdn.am730.com.hk/s3fs-public/styles/article_image/public/2024-07/WhatsApp%20Image%202024-07-11%20at%2015.46.37%20%286%29.jpeg?itok=a4zpJWVn)
圖片來源:Threads@livewellbasics
不滿經理5字回應
事主指當時有一位「中年女人manager」現身與其對話,惟對方的語氣略嫌「趕時間」,在事主問及能否將餐廳改為素食後,「面無表情」地回應道「我地無素食,對唔住」。事主認為經理的服務態度不佳,不但發文將全過程與網民分享,更直言「唔做素食友生意可以直接講」,又指其實「大部分餐廳都會試」。
![圖片來源:Instagram@livewellbasics](https://cdn.am730.com.hk/s3fs-public/styles/article_image/public/2024-07/WhatsApp%20Image%202024-07-11%20at%2015.46.37%20%285%29.jpg?itok=3gDAgfoO)
圖片來源:Instagram@livewellbasics
網民反鬧事主:真正西客
事主於文末表示「咁嘅服務態度,一定無睇古天樂」,發文引起大批網民熱烈討論, 網民鬧爆事主「名副其實西客」、「講埋對唔住都得罪你」,更有人怒斥事主「點解仲可以唔認錯,繼續我有我正確咁反駁網民」、「呢件事點睇都係得你有責任」、「乜野唔做素友生意可以直接講😂😂😂人地擺到明唔係賣素,一陣啲汁有加雞粉豬骨啲人食完又去投訴,咁難服待。」
面對網民「狂插」,事主亦有回覆,「對唔住你當我小題大作但係我真係嬲左。希望偉大threads可以比佢老闆知道。我相信唔歡迎素食者唔係佢開餐廳既原意。」她又表示,理解餐廳餐牌一般都沒有列出素食選項,「但係我未試過未試過比餐廳turn away and reject。佢同事話可改咖哩飯時候佢唔在場,所以唔成立同事已經講左or佢只係針對dinner set。就算你話得白飯油菜,這是比個選擇我。而唔係話我地唔做素食。好嘛?」