網上熱話｜葵涌南記冰室請人啟示網上瘋傳 明確列明3不要 網民：真係好好笑！
世道唔好連請人都難，不少服務業為湊夠人手，基本上都不再會對員工有過高要求。不過近日就有網民路過位於葵涌的一間冰室時，就發現他們所張貼的請人啟示上，竟然明確列明有3種人絕不會請，引來大批網民爆笑熱議。
圖片來源：電影《阿媽有咗第二個》劇照
葵涌南記冰室請人啟示網上瘋傳
近日，有網民在路過位於葵涌的南記冰室時，被張貼在門外的請人啟示吸引。上面先是簡單寫明「誠聘熟手樓面」，又揚言兼職及全職都可以，惟在告示的最底部則突然用較小的字體寫上「注意：企鵝、少奶、方丈勿擾」，引起網民討論。
圖片來源：Threads
發文者親解背後原因
發文者嘗試解釋這3個字眼背後的意思，直指「企鵝=淨係識行行企企，唔做嘢嘅冗員」、「方丈=份人好小氣」、「少奶=好明顯啦吓話」。亦有網民加以解釋表示「少奶，應該係指嫁左小康家庭，但係屋企無聊番工為左吹水既師奶」、「企鵝指.. 淨企喺度，叫佢做野就『哦』完繼續企喺度，就『企』同『哦』」。
圖片來源：Threads
圖片來源：電影《行運一條龍》劇照
網民頻讚：真係好正
眼見冰室用以上用語「暗示」唔請邊3類人，大批網民就留言盛讚夠晒創意，「好正既暗語」、「好貼切既形容」、「真香港人先睇得明」，更有人再列出幾種唔建議請的人士，包括「足球員」及「消防員」，意指「成日射波唔返工」及「返一放二」的人。
入App免費換走健康產品
