中原集團創辦人施永青，日前在訪問中回應指「地產商又唔係黨員，點指示佢哋？」而連日來在專欄中的言論亦再次成為輿論焦點。他在Finance730播出的最新一集《股壇C見》，繼續大爆金句回應。他表示，中央關心香港房屋及民生問題一直無變，亦並非首次，更不等於向地產商開刀，他指「開刀好嚴重，會有殺傷」，又認為中央不會迫地產商賤賣樓。
對於外界指施永青近日經常挑戰中央，施永青笑言：「有人話我妄議中央，我唔係共產黨員，點罔議中央？」惟他認為內地政治路線的確有轉變，但香港會繼續實行資本主義，反指現時地價過高，連中央都有同感，歸根究底是政府問題，他說：「應該鞭香港政府土地規劃嗰啲官，應該啲地賣平啲，中央應睇邊啲問責官員唔掂，炒晒佢，佢地無落力去做。」
🎁 amJetso送全新Tempo掛牆式廚紙，立即開APP玩👇 👇
